Bota

Video/“Si flini kur bombat ruse vrasin fëmijë”,gazetarja përplaset keq me Lavrov


Bëhu pjesë e Grupit Zyrtar të Opinion.al
>> KËTU <<
               Publikuar në : 12:51 - 04/03/22 |
Opi Nion

Ministri i Jashtëm rus, Sergey Lavrov është përplasur me një gazetare britanike në një konferencë për mediat. Gazetarja Cathy Newman, iu drejtua ministrit rus duke thënë “Si mund të flini natën, duke ditur se bombat ruse po vrasin fëmijë?”.

Kjo pyetje ka shkaktuar shumë acarim për ministrin rus i cili iu përgjigj duke i thënë “Ti je duke luajtur  lojë apo je duke luajtur drejtuesen e një talk show?”

Pjesë nga debati:

Gazetarja: Zoti Lavrov, dua të pyes diçka për Polina Zapadynskaya. Ajo ishte në vitin e fundit të shkollës fillore. Ajo u qëllua për vdekje nga rusët, derisa ishte në veturë me familjen e saj në Kiev, të shtunën. Zoti i Lavrov, unë e di se ti ke një vajzë gjithashtu, unë dua të më shikoni në sy dhe të më tregoni, si mund të flini natën duke e ditur që bombat dhe plumbat rusë po i vrasin fëmijët?

Lavrov: Pra, çfarë mund të them tjetër përveç asaj që kam thënë tashmë. Çdo jetë e njeriut është e çmuar. Çdo aksion ushtarak fatkeqësisht lidhet me humbjen e jetëve. Jo vetëm në mesin e personelit ushtarakë por edhe në mesin e civilëve. Personeli ynë ushtarak që tashmë është i përfshirë në këtë operacion special kanë një urdhër shumë të rreptë për të përdorur vetëm saktësi të madhe pajisje ushtarake për të shtypur infrastrukturën ushtarake. Madje edhe kazermat ku ushtria ukrainase është e vendosur nuk janë subjekt i ndonjë sulmi. Unë vetëm mund të shpreh ngushëllimet e mija.

Gazetarja: Zoti Lavrov, ti the se po përdoret saktësi e lartë, por me qindra civilë raportohet se kanë vdekur. Tani kjo po hetohet nga Gjykata Ndërkombëtare e Drejtësisë. Po pyes nëse ju personalisht jeni duke e përgatitur mbrojtjen për një gjykatë për krime të luftës?

Lavrov: Unë e kuptoj dëshirën tënde për të bërë kaq shumë pyetje të nxehta pasi doni ta ngarkoni emocionalisht audiencën tuaj. Kjo është puna e juaj me aq sa e kuptoj, të mos funksionojë si media por më tepër si një instrument për t’i goditur me çekan në kokat e njerëzve. Unë dua ta përsërisë prapë, unë nuk po e justifikojë asnjë aksion që çon në vdekjen e civilëve. Por, ne nuk jemi ata që kemi dalë me shprehjen e dëmit kolateral. Ajo u krijua nga kolegët perëndimorë gjatë arratisjeve në Irak dhe më parë në shtetet tjera, Amerika Latina, Libia.

A ke pasur ndonjëherë të njëjtën ngarkesë emocionale për t’i mbuluar ngjarjet në Irak e Libi ku pati qindrja e mijëra viktima civile. Nuk e mbaj mend, pra po shoh që pyetja juaj ishte retorike.

Gazetarja: Po absolutisht Zoti Lavrov. Por ti e ke filluar këtë luftë. Gjaku i Polinas është në duart e tua apo jo zoti Lavrov”

Lavrov: Ti tani je duke luajtur një lojë apo je duke e luajtur drejtuesen e një talk show, nëse dëshiron ta dish opinionin tim personal. Unë besoj se tashmë e ka shprehur atë shumë qartë, duke përfshirë edhe aspektet humanitare në këtë operacion. Por, me të vërtet do të doja që ta bënit, megjithëse e kuptoj që do ta mbuloni atë ashtu siç ju kërkohet. Me të vërtetë unë dua që ju ta keni parasysh dhe shpresoj që një gazetar që po e plotëson një përmbledhje ka një ndërgjegje. Si jeni sjellur në 8 vitet e fundit kur vajzat si ajo bashkë me gra të moshuara janë vrarë nga mijëra mina në Donbas. Ato janë vrarë nga regjimi ukrainas.

Të lutem vizitoje faqen tonë të ministrisë për më shumë informacione. Nuk dua ta marrë kohën tendë duke treguar histori më të gjata. Nëse jeni aq e shqetësuar siç edhe keni të drejtë të jeni për pasojat e njerëzve apo të ushtarëve të operacionit atëherë Zoti ka dashur që ju t’i shkoni ato faqe të cilën deri tani keni preferuar të mos e prekni në rolin tuaj profesional.

Pas