Një program mëngjesi në një televizion polak i ka kushtuar një hapësirë të veçantë zgjedhjeve dhe preferencave që polakët kanë për të kaluar pushimet verore 2016.
Surpriza në përzgjedhjet që ata kanë bërë është Shqipëria, të cilët e kanë renditur në 10 preferencat e tyre verore, duke u cilësuar si një surprizë e vërtetë edhe nga vetë moderatorët e emisionit. Shkak për këtë ngritje dhe për përzgjedhjen e polakëve janë bërë çmimet e ulëta dhe bregdeti i shkëlqyer.
“Ky vend unik në Europën juglindore ka akses në detin Adriatik në perëndim dhe në detin Jon në jug dhe ka çmime të favorshme në turizëm”, thuhet në hapësirën kushtuar turizmit në Shqipëri.
Në vend të parë të preferencave të polakëve është Greqia, më pas vjen Spanja, dhe më pas me radhë, Bulgaria, Turqia, Kroacia, Italia, Portugalia, Egjipti, Turqia dhe Shqipëria.
