Në studion e emisionit Opinion, Dorian Teliti ka shpjeguar mënyrën se si taksa e re e TVSH do të ndikojë dhe do të prekë fitimet e biznesit të vogël.
Sipas Telitit, fitimi mesatar i biznesit të vogël në një muaj shkon në 600 mijë lekë të vjetra, por me aplikimin e TVSH-së, fitimet e këtij biznesi do të ulen me të paktën 200 mijë lekë të vjetra.
“Kjo do të thotë, më pak investim, më pak mundësi zhvillimi, më pak rritje”, ka shtuar Teliti duke saktësuar që në këtë mënyrë shqiptarët do të varfërohen, ndërkohë që për biznesin do të shtohen edhe procedurat.
