Partia Socialiste ka paraqitur draftin e ri për shembjen e Teatrit Kombëtar dhe ndërtimin e teatrit të ri, ndërsa opozita kundërshton duke kërkuar të votohet dekreti i Metës, pra të rrëzohet ligji për Teatrin.
Mes kakofonisë së krijuar në mbledhjen e Komisionit të Veprimtarisë Prodhuese, deputeti Ilir Beqaj ka lexuar ligjin e ri të mazhorancës. Ndryshimi që PS i ka bërë draftit ka të bëjë me ngritjen e një komisioni negocimi të kontratës për teatrin e ri.
“Komisioni i negocimit bën thirrje të hapur ndaj palëve private që janë të interesuara për të paraqitur propozimin për teatrin”, tha Beqaj.
