Skena ‘American Music Awards 2016’ ishte një rikthim për yllin e muzikës pop,Selena Gomez. Këngëtarja amerikanë prej disa muajsh ka qenë në një qendër rehabilitimi, duke luftuar me depresionin dhe ankthin.
Por rikthimi dhe fjalimi i saj në ‘AMA 2016’ ka emocionuar të gjithë.
Ylli i këngës “Hands to Myself”, u ngjit në skenën e ‘American Music Awards 2016’ për të marrë çmimin ‘Artistja më e mirë”, ndërsa përmes lotësh dhe emocionesh ajo ka ndarë me të pranishmit dhe publikun betejën më të vështirë të jetës së saj.
Selena me shumë guxim i është drejtuar publikut duke thënë se ishte 100% e sinqertë me ta.
“Mendoj se të gjithë e dini gjendjen time. Pavarësisht se a më pëlqen mua apo jo, unë isha e detyruar të largohesha për disa kohë, pasi isha në një gjendje tepër të vështirë”, ka thënë ylli i skenave teksa i dridhej zëri nga emocionet.
Asgjë s’do më mbaj larg muzikës dhe pasionit tim, kjo është ajo që më bën më të fortë dhe më bën të përballojë çdo sfidë”, tha këngëtarja teksa të pranishmit shpërthyen në brohoritje dhe duartrokitje.
