-U tha në Opinion

Video/Samir Mane për Covid: Jam kujdesur në maksimumin e mundshëm


Bëhu pjesë e Grupit Zyrtar të Opinion.al
>> KËTU <<
               Publikuar në : 14:19 - 01/01/21 |
Opi Nion

Sipërmarrësi Samir Mane, ka qenë një ndër personazhet e vitit 2020 të emisionit “Opinion”. Biznesmeni i njohur është përzgjedhur për arsye të investimit tepër të veçantë në “Green Coast”  që vjen në fakt si një koncept i ri i turizimit në vend.

I përmendur edhe nga revista amerikane “News week” pikërisht për këtë veçanti të projektit, Mane tregon në një intervistë disa detaje më shumë mbi këtë sipërmarrje.

“Natyrisht që vizita në atë vend, dashuria me natyrën me detin, me malin, me mundësitë unike që ofron ajo natyrë lindën dëshirën për të krijuar një resort aty, që tashmë nuk është një resort vilash, por kanë filluar edhe hotelet e para të krijohen. Ajo që është ndryshe aty është që nëse në vende të tjera njerëzit kanë blerë një shtëpi apo një vilë, në “Green Coast” nuk është kështu. Në “Green Coast” blen një eksperiencë. Dikush që nuk e do vilën ta përdorë gjithë kohës mund të fitojë para duke e dhënë me qera atë vilë nën menaxhimin tonë dhe nën menaxhimin e kompanive më të mëdha në botë. Nëse ju keni një vilë apo apartament në “Green Coast” dhe doni të pushoni në 3 mijë resortet më të mëdha në vende të ndryshme të globit, mund t’i ndërroni pushimet tuaja pa paguar asgjë”, u shpreh Mane.

Në intervistën e tij, biznesmeni ka folur edhe për përballjen me situatën Covid dhe impaktin e saj.

“Jam kujdesur në maksimumin e mundshëm për veten, për njerëzit e afërt, për punonjësit, për klientët, sepse jemi shumë të lidhur me klientët ku ne shërbejmë. Si natyrë jam optimiste dhe besoj shumë që pandemia do të ketë fund të shpejtë. Besoj që fundi i qershorit do të jetë fundi i pandemisë, ose nuk do të ketë më efekte sociale dhe ekonomike”, tha Mane./Opinion.al

Pas