Një incident ka ndodhur mbrëmjen e djeshme në vendin e quajtur Ura e Gjolës, në zonën e Fushë-Krujës. Sipas news 24, kuzhinieri i njohur Indrit Çela është marrë nga autoambulanca dhe është dërguar në qendrën shëndetësore të Fushë-Krujës me shenja dhune në trup.
Ai ka deklaruar për punonjësit e policisë dhe stafin mjekësor të kësaj qendre se është përfshirë në aksident me një automjet, i cili është larguar nga vendngjarja.
Por dëshmia e tij duket se nuk i ka bindur efektivët e policisë. Ata dyshojnë se i riu është dhunuar.
Indrit Çela kishte dëmtime në kokë e fytyrë ndërsa pamjet e mëposhtme nga mbrëmja e kaluar janë regjistruar vetëm pak minuta pasi ngjarja ka ndodhur.
Po ashtu në rrjetet sociale po qarkullojnë edhe disa fragmente të rrahjes brutale me leva hekuri dhe grushte që disa të rinj i bëjnë kuzhinierit.
