Një aeroplan me 72 persona në bord është rrëzuar pranë një aeroporti në Nepalin qendror, ku raportohet për 40 viktima.
Avioni i Yeti Airlines ishte nisur nga Katmandu për në qytetin turistik të Pokhara.
Videoja e postuar në mediat sociale tregon një avion që fluturon ulët mbi një zonë të populluar përpara se të rrotullohet dhe më pas të rrëzohet dhe të marrë flakë.
Në bord kishte 68 pasagjerë, përfshirë të paktën 15 shtetas të huaj dhe katër anëtarë të ekuipazhit.
Rreth 200 ushtarë nepalezë janë përfshirë në operacionin e shpëtimin në vendin e rrëzimit në grykën e lumit Seti, vetëm një kilometra e gjysmë nga aeroporti.
Pamjet nga vendngjarja tregojnë tym të zi të dendur dhe djegie të mbetjeve të avionit.
“Presim të gjejmë më shumë trupa,” tha një zëdhënës i ushtrisë për Reuters, duke shtuar se avioni “është copëtuar”.
Kryeministri Pushpa Kamal Dahal thirri një mbledhje urgjente të kabinetit të tij dhe u kërkoi agjencive shtetërore të punojnë në operacionet e shpëtimit./Opinion.al
#Breaking
नेपाल में काठमांडू से पोखरा जा रहा येति एयरलाइंस का विमान दुर्घटनाग्रस्त, विमान पर 68 यात्री सवार थे।#Nepal #YetiAirLines pic.twitter.com/qTp7L3KyOI— Naval Kant Sinha | नवल कान्त सिन्हा (@navalkant) January 15, 2023
