Ka degjeneruar në grushte protesta e tifozëve të Tiranës. Ata kundërshtojnë ashpër vendimin e drejtuesve të Tiranës të cilët arritën marrëveshje me drejtuesit e Partizanit për stadiumin “Selman Stërmasi”. Kjo marrëveshje bën që Partizani të zhvillojë ndeshjet e mbetura si pritës në stadiumin e Tiranës dhe këtë gjë tifozët nuk e kanë pranuar aspak. “Nuk ka shans të luajë njeri në fushën tonë. Ne jemi emblema, jo JU”, u kanë thënë tifozët lojtarëve kur ata kanë zbritur në terren për të zhvilluar seancën stërvitore. Shihet qartë momenti kur tifozët godasin Gilman Likën një nga futbollistët kryesor të skuadrës bardheblu.Në këto kushte, trajneri Mirel Josa ka vendosur ta anulojë stërvitjen. Futbollistët kanë nisur të largohen, kurse tifozët kanë qendruar në fushë.
