Zhgënjimi i tij ishte aq i dukshëm sa nuk kishte nevojë për fjalë. Kristiano Ronaldo, i zëvendësuar nga Asensio në minutën e 27të të pjesës së dytë të Las PalmasReal Madrid me rezultatin 21 në favor të madrilenëve, la të kuptohej se diçka po kalonte në kokën e tij me një “mah” gjigante që lëshoi.
I mësuar me rolin e protagonistit të padiskutueshëm dhe herë pas here edhe të shpëtimtarit, ai nuk e kuptoi ndërrimin e Zidanit dhe kështu në Spanjë lind një polemikë e re edhe sepse Reali u barazua. Por trajneri u përpoq që të ulë tonet.
Prapaskenat – Por katalanasja “Sport” ka zbuluar se në dhomat e zhveshjes ka pasur një shpërthim të lojtarit ndaj trajnerit. “Jam i zhgënjyer nga ti”, i është drejtuar Ronaldo, ndërkohë që Zizu u përpoq ta qetësonte situatën. “Qetësohu Kris, duhet të pushosh sepse do luash 90 minuta ndaj Dortmundit”. Një heshtje e rëndë ra në dhomë, të cilën e theu kapiteni Serxho Ramos duke iu drejtuar Ronaldos. “Nuk duhet ta marrësh kështu”, i tha mbrojtësi portugezit, i cili ishte zhvendosur në cep të dhomës dhe nuk donte të dëgjonte nga askush.
Nëna- Dhe për t’i hedhur benzinë zjarrit ka menduar mamaja e Kristiano Ronaldos, Dolores, e cila postoi një mesazh në “Twitter”: “Kurrë mos e ul kokën”. Mesazhi shoqërohej me një foto të djalit të saj me vështrimin krenar, në stol, por në këmbë.
Sharja- Ndërkohë, në mediat spanjolle së fundi ka dalë një video ku sulmuesi portugez lëshon një sharje pasi ulet në stol. Nga leximi i buzëve, gjithnjë referuar shtypit iberik, Ronaldo duket se thotë: “Su p*** madre” (“Bir k****!”)
