Kryeministri Edi Rama, i shoqëruar nga kryetari i Bashkisë së Tiranës, Erion Veliaj dhe ministri i Rindërtimit, Arben Ahmetaj mëngjesin e kësaj të marte ishin në Ndroq ku i dorëzuan shtëpinë e rindërtuar një tjetër familje që kishte mbetur e pastrehë nga tërmeti i vitit të shkuar.
Gjatë bashkëbisedimit me familjarët nuk kanë munguar edhe batutat Kryeministrit. Rama ka ndarë dhurata për dy fëmijët e familjes, ndërsa i pyteti se çfarë notash kishin. Vajza tha se i kishte të gjitha 10-ta, ndërsa djali tha se nuk i kishte të gjitha 10-ta. Rama i ka kërkuar djalit të vogël të familjes të mësojë, pasi ndryshe do të rrijë në kasolle.
“Mëso, bëhu me 10 si motra jote merr shembull nga kjo kingia. Atë dhomën që e ke tani më vete do ta paguash tullë më tullë me 10-ta, përndryshe do rrish në kasolle, do ta marri motra”, tha Rama.
