Ditën e sotme kryeministri Edi Rama, i shoqëruar nga ministri i Rindërtimit Arben Ahmetaj dhe kreu i Bashkisë së Tiranës, Erion Veliaj, inspektoi punimet për ndërtimin e lagjes së re në Ndoq.
Gjatë inspektimit, kryeministri tha se për çdo kalim afati për pagesat e banorëve apo apartamentet që përfitojnë ata nga shpronësimi, qeveria dhe bashkia duhet të paguajnë një penalitet.
“Familjet po kthehen në shtëpi. Një pjesë e atyre që shtëpitë I kanë në pika që nuk janë të favorshme mund të marrin paratë në dorë. Sugjerimi duhet të jetë që të mos e ndërtojnë atje. Që të gjejnë një zgjidhje tjetër me shumën që kanë. Ata që presin apartamente edhe për ata do fillojë. Një pjesë e tyre duhet të presin ende. Për çdo kalim afati, qeveria, bashkia do të paguajnë një penalitet. Ai e ka kontratë me vlerë noteriale dhe nëse do të kërkojë llogari për hedhje në gjykatë le të shkojë. Maskarallëqetë po shtohen për shkak të zgjedhjeve. Këto janë dokrra, që shtëpinë do iua marrë qeveria. Por megjithatë njerëzit kanë të drejtën e tyre”, tha Rama.
Po ashtu, Rama është takuar dhe më një çift banorë të zonës, të cilët i shprehën shqetësimin e tyre për pronën që preket nga procesi i rindërtimit. Në përfundimi të bashkëbisedimit, zonja e shtëpisë iu drejtua kryeministrit për t’i dhënë dorën në formë përshëndetëse, por ky i fundit refuzoi duke e këshilluar të bëjë kujdes për shkak të COVID.
Pjesë nga biseda
Edi Rama: Do ju shtohen shumë komshinjtë
Banorja e zonës: Ju rrofhi. Jam burrë e grua, kam dy goca. Çfarë do bëhet me tokën time
Arben Ahmetaj: Me ligjin e rindërtimit ti e ke të drejtën të marrësh paratë e tokës ose metra katrore
Banorja e zonës: Më hoqën vendin e lopës
Edi Rama: Po të hoqën vendin e lopës, të japim vend tjetër për lopën
Edi Rama: Kush të merr në telefon
Banorja e zonës: Moma
Edi Rama: Jepja këtij të flaës
Banorja e zonës: Kush flet me vjehrrën, kush e do vjehrrën
Edi Rama: Do më lësh të flas apo jo, jam I vetmi kryeministër në botë që kudo ku shkoj kërkon fjalën
Banorja e zonës: Rrofsh kryeministër
Edi Rama: Mos jep dorën
Banorja e zonës: Le ta marr COVIDIN sot prej teje
Edi Rama: A je në terezi. Puna është të heqësh zakonin se prej meje nuk e merr COVID
Banorja e zonës: Ti je qytetar o non
Edi Rama: Puna është të heqësh zakonin
Banorja e zonës: Të tjerët nuk i takoj unë
Edi Rama: Këtë zonjën të sugjeroj ta marrësh supervizore për punëtorët. Çfarë bën ti këtu, pse rri këtu, po të kesh këtë supervizore nuk rri këtu ti, shkon punon. Inxhinieri ora 4, thotë dhe ikën I pari. Ti duhet të ikësh i fundit./ Opinion.al
