Portali Jeta Osh Qef ka përcjellë sot pamjet me video të një personi civil, i cili duket teksa rregullon trafikun në qytetin e Laçit.
Që jemi në këtë qytet, kuptohet pasi sapo nis video, pranë shefit kalon një furistradë Porsche.
JOQ ironizon duke shkruar se “Prurjet e reja nga ‘Akademia e Rendit’ do ju befasojnë. Një prej këtyre talenteve është emëruar në Laç. Zotëria në fjalë duket aq i shkathët sa nga shpejtësia ka harruar të veshë uniformën. Për çudi shoferat e makinave ndalojnë kur polici më i ri i Laçit kërkon të flasë me to”.
Sipas faqes në internet: “Me siguri po i pyet për patentën apo lejen e qarkullimit. Dy janë mundësitë: ky zotëri e ka pasur ëndërr në sirtar të bëhej polic ose i pëlqen të vendosë rregull në qarkullim për të mirën e banorëve të zonës ku jeton”.
