Duket se mirënjohja ndaj stafeve mjekësore është zbehur me uljen e agresivitetit të koronavirusit.
Një infermiere franceze është dhunuar nga policia gjatë demonstratave të zhvilluara në Paris një ditë më parë nga punonjësit e shëndetësisë për kushte më të mira në spitale.
Mediat e huaja bëjnë me dije se arrestimi i dhunshëm i infermieres 52-vjeçare Faridas Mellaz që kaloi disa muaj duke trajtuar pacientët me koronavirus, ka shkaktuar reagime të shumta në Francë.
“Jam infermiere dhe jam me astmë”, u ka thënë Farida policëve, e cila akuzohet për hedhje sendesh të forta ndaj punonjësve të policisë.
Lidhur me këtë rast vajza e Faridas, Imen Mellaz, shprehu zemërimin e saj përmes një statusi në llogarinë e saj në Twitter.
“Ajo punoi për tre muaj në spital me nga 12-14 orë në ditë. Ishte me COVID-19”, tha Mellaz./ Opinion.al
