Një aksident rrugor është regjistruar këtë të diel në aksin rrugor Rubik-Rrëshen. Sipas Klan News një makinë me targa të Kosovës dhe një makinë me targa shqiptare janë përplasur me njëra-tjetrën.
Paraprakisht dyshohet për të plagosur. Siç duket nga pamjet, aksidenti ka qenë i fortë. Një prej makinave është përmbysur në mes të rrugës.
Ambulanca ka mbërritur në vendngjarje dhe po i jep ndihmën e parë një gruaje të lënduar.
Dëmet duket se kanë qenë të mëdha pasi në rrugë kanë mbetur copat e xhamave të thyer. Si pasojë e përplasjes një makinë tjetër ka përfunduar jashtë rrugës.
Deri më tani nuk dihen shkaqet e këtij aksidenti. Policia po vijon hetimet për zbardhjen e rrethanave të plota të përplasjes.
