Papagalli deri më tani është krijesa e vetme që ka arritur të imitojë më afër të folurën e njeriut, falë tingujve të veçantë. Kështu një papagall ka gjetur mënyrën ideale se si të tërheqë vëmendjen e pronarit të tij, duke imituar me përpikmëri ringtone-in e famshëm të iPhone.
Ben Pluimer në faqen e videove “Vimeo” ka publikuar një video në të cilën shihet se si papagalli i tij rikrijon zilen klasike të iPhone-it.
“Kur papagalli im mërzitet , këndon zilen e Apple”, ishte mbishkrimi i videos.
Sipas Pluimerit, papagalli zakonisht zemërohet kur njerëzit e tij janë duke lidhur lidhëset e këpucëve dhe po bëhen gati që të dalin jashtë shtëpisë.
Në një moment gjatë videos, zilja reale e Apple lëshohet menjëherë pasi këndoi zogu, duke na treguar se sa me përpikmëri e imiton papagalli.
