Edi Rama dhe Lulzim Basha kanë dalë nga Kryesia e Kuvendit rreth orës 01:20 të ditës së sotme (18 Maj) pasi u takuan në kryesinë e Kuvendit për mbi 3 orë. Takimi kokë më kokë mes dy liderve kryesore politik në vend ka prodhuar një marrëveshje.
Eshte rënë dakord që të shkohet në zgjedhje bashkarisht dhe me gjasë data e zgjedhjeve është shtyrë.
Basha dhe Rama nuk pranuan të japin detaje në komunikimin e tyre për mediat pas mesnate. Ata thanë se sot do të bëhet publike marrëveshja zyrtarisht.
Basha: Kemi një marrëveshje bazuar në paketën “McAllister Plus” të propozuar nga SHBA. Marrëveshja do të detajohet në 24 orët e ardhshme dhe do ketë komunikim publik.
Gazetarët: Kur do jetë data e zgjedhjeve?
Rama: Për sa më përket mua, jam 100 për qind dakord me ato që tha Kryetari i opozitës.
Dëgjohen thirrjet e mbështetësve të PD…
Pas këtij prononcimi, Rama i zgjat dorën Bashës. Ishte një shtrengim duarsh jashtë protokollit, por që tregoi se tani gjithçka është “OK”.
/Opinion.al
