Në studion e Opinion nuk ka munguar as analisti Artan Hoxha, i cili theksoi se shkatërrimi i fshatit Lazarat që merrej me kultivimin e bimës së kanabisit, vjen koha dhe sheh se të gjithë fshatrat e tjerë të Shqipërisë janë të mbushur me kanabis.
“Unë zor kam thënë një fjalë të mirë për këtë qeveri, por kur ka bërë aksionin në fshatin Lazart kam thënë bravo. Në vitin 2014 u shkatërrua Lazarati, në 2015, një vit më parë ka bërë një spektakël të jashtëzakonshëm në Pallatin e Kongreseve ministri i Brendshëm në prani të kryeministrit dhe 2 mijë policëve, duke thënë se shkatërruam 99.2 për qind të gjithë sipërfaqes të mbjellë me kanabis që na e dhanë dhe iotalianët kuotat. E bënë kanabisin fushë. Kur këta bënë një aksion në Lazarat në vitin 2014 dhe kur në 2015 shkatërroke 99.2 për qind të gjithë sipërfaqes së mbjellë, ose çfarë janë këta shqiptarë që turren në vitin 2016 për të mbjellë më shumë drogë? Janë budallenj? Apo kjo është një e pavërtetë e madhe, që e ka shkatërruar kanabisin në vitin 2015. Normalisht kur ke dy vite aksione policie të suksesshme, kjo aksh gjë e dekurajon këtë nismë, kurse këtu ndodh e kundërta”, tha Hoxhaj në Opinion.
Analisti theksoi në studion e Opinion se mbjellja e kanabisit në vendin tonë ka ardhur në progresion nga viti në vit, duke nisur që nga 2013-ta.
“Qeveria i ka rrafshuar, i ka bërë një dëm mafies shqiptare dhe asaj italiane një shumë rreth 4.5 miliard euro. Por një mik i imi, i cili është një vëzhgues mjaft i hollë i cili jeton në këtë qytet, më tha: këtë vit këtë kanë shkatërruar 2 milion bimë, Lazarati me 360 mijë, po dy milion sa milion euro bëjnë? 24 miliard euro që i paskan shkatërruar kjo qeveri mafies italine dhe asaj shqiptare. në kohën kur kjo qeveri i shkatërroka mafies një shumë të tillë xhiro biznesi, del dhe bën selfie në arat e kanabisit, ndërsa kryeministri del me brek të shkurtëra në Tiranë, e besoni ju se i kanë shkatërruar këtë dëm mafies?”, tha ai.
Shiko videon:
