Sipas gazetarit Fatos Hakorja, rafineria e përpunimit të naftës në Ballsh ka plot 600 milionë dollarë borxhe.
Hakorja deklaroi në studion e “Opinion” se që prej vitit 2008, ata që e kanë shfrytëzuar uzinën nuk kanë bërë asnjë investim dhe se nuk mund të përjashtohet mundësia e shpërthimit prej amortizimit të pajisjeve.
Fatos Hakorja:
Akoma nuk e dimë nëse ky aksident është shkaktuar nga amortizimi i kësaj uzine. Nuk po përjashtojmë faktin që kjo godinë mund të jetë e amortizuar.
Duhet të ndajmë aksidentin, shkaqet. Nëse duam ti hyjmë të dhënave nëse ka patur investime. Pse nuk vrapojnë këta ministrat për këtë rafineri, historia e së cilës fillon në 2008 kur është privatizuar? Kjo rafineri ka sot 600 milionë dollarë borhe. Personi që e ka shfrytëzuar nga viti 2008 deri në 2013 nuk ka bërë asnjë investim. 250 milionë borxhe që janë dyfishuar për shkak të mospagesës, borxhe në tatime, borxhe në dogana.
