Mbrëmjen e 7 Shkurtit, emisioni “Opinion” trajtoi faktet e reja të dala në dritë mbi ngjarjen e ndodhur në qytetin e Kavajës.
Rasti i rëndë i ndodhur në Kavajë ku disa nxënës të shkollës “Rilindja” abuzuan seksualisht me një vajzë 13-vjeçare, duke e shantazhuar përmes një videoje intime të regjistruar disa kohë më parë, u pasua me një histori të ngjashme në Kosovë. Në qytetin e Drenasit një adoleshente u abuzua seksualisht nga profesori i fizikës, e më pas dhe nga hetuesi tek i cili denoncoi ngjarjen.
Për të diskutuar mbi faktet e reja të ngjarjes në Kavajë, por dhe mbi historinë e adoleshentes në Kosovë të ftuar në studion e “Opinion” ishin Mustafa Nano, Mark Marku, Iris Luarasi, Belina Budini, Julian Zyla, Ylli Manjani, Redi Shehu ndërsa në lidhje te drejtpërdrejte ishte gazetarja Klodiana Lala. /E.M
