Ky është momenti i arrestimit të 6 personave që akuzohen se kanë kultivuar mijëra rrënjë kanabis sativa në Vlorë. Pamjet janë nga kamerat e sigurisë së lokalit ku u kryen arrestimet dhe janë siguruar nga Tv Klan.
Të arrestuarit janë Shkëlqim Koçiaj, 24 vjeç, banues në fshatin Dushkarak, Vlorë, Arjan Hasanaj, 43 vjeç, banues në Vlorë, Klajdi Imeri, 21 vjeç, banuese në Vlorë, Taulant Haxhiraj, 35 vjeç, banues në Vlorë, Albert Aliaj, 53 vjeç, banues në fshatin Drizar, Mallakastër, Xh.B., 18 vjeç, banues në Vlorë.
Midis fshatrave Vezhdanisht dhe Treblovë policia gjeti 6 kasolle brenda të cilave kishte rreth 2 000 bimë narkotike në proces tharjeje si dhe rreth 5 250 rrënjë bimë narkotike kannabis të mbjella në lugina dhe zona të thella rreth 2 orë larg qendrave të banuara. E gjithë sasia llogaritet në 10 ton. Personat e lartpërmendur dyshohet se janë kultivuesit e kësaj sasie të madhe droge.
Po kështu u gjetën edhe armë, si: 2 automatikë, 1 pushkë, dhe fishekë. “Po punohet për zbulimin dhe kapjen e autorëve të tjerë të implikuar në këtë veprimtari kriminale”, thotë Policia e cila specifikon se në aksion ishin edhe prokurorët e krimeve të rënda.
