Kryeministri britanik Rishi Sunak është gjobitur pasi nuk vendosi rripin e sigurimit teksa po udhëtonte në një makinë në lëvizje gjatë xhirimit të një videoje në rrjetet sociale.
Thuhet se Sunak ka pranuar plotësisht se ky ishte një gabim dhe ka kërkuar falje, duke shtuar se ai do të paguajë gjobën.
Pasagjerët e kapur duke mos vendosur rripin e sigurimit kur është i disponueshëm mund të gjobiten me 100 paund. Gjoba mund të rritet në 500 £ nëse çështja shkon në gjykatë.
Kryeministri ishte në Lancashire kur u filmua video, gjatë një udhëtimi në veri të Anglisë.
Është hera e dytë që zoti Sunak merr një njoftim fiks për penalitet gjatë kohës që ishte në qeveri.
Videoja – për të promovuar raundin e fundit të qeverisë për “nivelimin e shpenzimeve” – u postua në llogarinë e Z.Sunak në Instagram.
Prillin e kaluar, ai u gjobit së bashku me Boris Johnson dhe gruan Carrie për thyerjen e rregullave të bllokimit të Covid – duke marrë pjesë në një festw për ditëlindjen e kryeministrit të atëhershëm në Downing Street në qershor 2020.
