Koordinim, saktësi, shpejtësi. Janë ndoshta këto tri cilësitë kryesore që karakterizojnë sulmuesin ideal modern. Një lojtar që duhet të jetë në vendin e duhur në momentin e duhur, i aftë ta marrë topin në mënyrën më të mirë dhe ta dërgojë në rrjetë, duke nxjerrë jashtë loje portierin kundërshtar. Janë të shumtë emrat e qendërsulmuesve që kanë disa (nëse jo të gjitha) nga këto cilësi. Por është vetëm një që nuk kishte as gjysmën e tyre. Emri i tij është Adeloa Oluwatoyin Akinbiyi, i njohur nga të gjithë si Ade.
I lindur në Hackney, afër Londrës, më 10 tetor të 1974-ës nga prindër nigerianë, Akinbiyi ka tërhequr vëmendjen sepse ishte një sulmues i fuqishëm. Një njeri i zonës së rreptësisë, i aftë (në letër) të krijonte hapësira mes reparteve të kundërshtarit. Pas katër viteve të para të kaluara te Norwich, ku ka koleksionuar 49 ndeshje dhe 3 gola, ka filluar shëtitjen nëpër Angli. Bristol City, Wolves, Leicester, Crystal Palace, Stoke, Burnley, Shefield, një parantezë amerikane te Houston Dynamo dhe më pa përsëri në Angli me Notts County dhe Colwyn Bay. Shumë transferime (për një total të përafërt me 112.5 milionë sterlina), por shumë pak gola.
Pavarësisht nga gjithçka, ka arritur të luajë edhe një ndeshje me fanellën e Nigerisë. Thuhet se është grumbulluar në 1999-ën vetëm sepse vendi i tij do të luante kundër Greqisë në Londër. Ai, që në atë kohë luante për Wolves, ka qenë kandidati ideal për një fanellë si titullar. Por vetëm për arsye gjeografike. Një lojë aspak cilësore dhe shumë raste të humbura, me topin të dërguar në tribunë. Kjo ka qenë, në thelb, karriera e tij. Duke parë se çdo fjalë është e tepërt, më poshtë është një përmbledhje e shkurtër imazhesh falë së cilës do të mund të shijoni klasin e pafund të këtij lojtari.
