Policia çeke është duke hetuar për zbardhjen e ngjarjes që mund t’i cenonte jetën kancelares gjermane Angela Merkel, dje gjatë vizitës së saj në Pragë.
Një ditë më parë policia njoftoi se arrestoi një person, i cili dyshohet se kishte planifikuar të ekzekutonte kancelaren gjermane.
Mediat raportojnë se ai ishte i armatosur, po lëvizte me një automjet Mercedes me ngjyrë të zezë, iu afrua eskortës që shoqëronte Merkelin dhe u përpoq t’i afrohej makinës së saj. Sipas policisë, makina nuk iu bind urdhrit të policisë dhe u desh vetëm kërcënimi policor se do të qëllohej, nëse nuk devijonte rrugën dhe e linte rrugën e eskortës së lirë. Pas ngjarjes, burimet zyrtare të policisë çeke njoftuan se personi i dyshuari u vu në pranga dhe po merret në pyetje. Për të është ngritur një grup hetimi që po merret specifikisht për këtë ngjarje. Gjithcka ndodhi dje, teksa Merkel ishte në vizitën e saj ditore në Pragë dhe zhvilloi një takim me kryeministrin Sobotka. Ajo u prit me protesta nga vendasit.
