Në fjalimin përmbyllës të mandatit të tij 5 vjeçar në krye të Presidencës, kreu i shtetit Bujar Nishani i është drejtuar me një mesazh falënderimi shqiptarëve.
Presidenti Nishani thotë se ndihet i kënaqur me kontributin që la pas në forcimin e institucioneve shtetërore.
“Nëse me pyesni si ndihem në këtë moment largimi, si pas çdo pune i kënaqur, i lumtur, por sidomos kryelartë se gjatë kësaj kohe kam ndjerë detyrën pa u lëkundur nga asnjë sulm e vendim”.
Një meritë të veçantë i njeh vetes dhe bashkëpunëtorëve të tij të ngushtë edhe sa i përket rolit konstruktiv për forcimin e institucioneve të pavarura.
“Ka gjëra që mund të ishin bërë më mirë, nuk bëmë heroizma u munduam të jemi realist përtej zhurmave punuam sa mundëm dhe u ndiem kryelartë dhe përparuam pas asaj që gjetëm dhe lamë, bëmë diferencë të matshme, jo aq sa do dëshironim. Përparuam në të gjitha aspektet kanë shumë për të bërë. Unë dhe bashkëpunëtorët e mi e bënë Presidencën, ajo që na ka preokupuar ka qenë mbështetje a e institucioneve të pavarura….Nder i madh për mua që i vlejta popullit tim.”
Në karrigen e lënë bosh nga Bujar Nishani do të ulet Ilir Meta , i cili do të betohet këtë të hënën në parlament.
