Një ngjarje e rëndë me 3 të plagosur, njëri në gjendje të rëndë ka ndodhur mesnatën e së mërkurës në kryeqytet. Sipas të dhënave paraprake, mësohet se ngjarja ka ndodhur në zonën e “Kinostudios” ku dy grupe të rinjsh pas një konfrontimi verbal dhe fizik kanë qëlluar ndaj njëri-tjetrit me armë zjarri pistoletë dhe kallashnikov. Sherri ka nisur fillimisht në një lloto-sport e më pas ka vazhduar në rrugë.
Banorë të zonës, të cilët ishin dëshmitarë të të shtënave, deklaruan se janë dëgjuar më shumë se 20 të shtëna dhe të bërtitura.
Informacioni paraprak i policisë:
Më datë 28.06.2018, rreth orës 23:54 në rrugën “Aleksandër Moisiu”, kanë mbetur të plagosur me armë zjarri nga persona ende të paidentifikuar, shtetasit J. M., 24 vjeç, R. M., 36 vjeç dhe I. D., 28 vjeç.
Shtetasit e dëmtuar aktualisht ndodhen në spital ku po marrin ndihmë mjekësore (dy nga të dëmtuarit ndodhen jashtë rrezikut për jetën, ndërsa një në gjendje më të rëndë shëndetësore).
Po punohet identifikimin dhe kapjen e autorëve dhe për zbardhjen e shkakut dhe rrethanave të ngjarjes.
*vendi i ngjarjes
