Në krye të shërbimit infektiv, Najda Çomo ka qenë padyshim një nga figurat më të spikatura të vitit 2020.
Në një intervistë për emisionin “Opinion”, e cilësuar si një nga personazhet e vitit, Çomo e ka konsideruar një punë të vështirë dhe stërmunduese luftën me Covid 19.
Ndërsa tregoi se në punën e saj ishte ndeshur me pandemi edhe në raste të tjera, Çomo tha se asnjëherë nuk e kishte menduar se do të ndeshej me një pandemi të përmasave të tilla si kjo e Covid 19.
“Humbjet e jetëve të njerëzve janë pjesa më e vështirë në punën tonë dhe stafeve që punojnë në spitalet Covid”, tha Çomo.
Duke folur për situatën që na pret në vitin 2021, mjekja pohoi se më të shumtën e kemi kaluar.
“Më të shumtën e kemi kaluar dhe gjykoj se më e pakta ka mbetur për të kaluar. Besoj që 2021 të jetë një vit ndryshe nga 2020. Besoj që dhe vaksina do të kryejë misionin e vet të rëndësishëm për të minimizuar numrin e personave të infektuar”, tha Çomo./Opinion.al
