Jose Murinho është pritur si hero në Turqi, aty ku nga sezoni i ardhshëm do të drejtojë nënkampionët e Fenerbahçes. Ai ka nënshkruar kontratën, ndërsa menjëherë ka bërë për vete tifozët turq.
“Tifozë të Fenerbahçes, e ndjej shumë dashurinë që më treguat. Një trajner normalisht e sheh këtë dashuri pas një fitoreje. Por unë e ndjeva këtë dashuri që në fillim. Kjo është një përgjegjësi e madhe dhe ju premtoj që do të përkushtohem gjithashtu ndaj kësaj familje. Kjo fanellë do të bëhet një lëkurë e dytë për mua.
Unë dëshiroja të isha me ju që në ditën kur u takova me presidentin e klubit. E them me plot zemër që dëshiroja me të vërtetë të vija këtu për shkak të pasionit që ju keni. Unë dëshiroja të punoja për futbollin turk, për Superligën turke dhe ta zhvilloja. Por gjëja më e rëndësishme nuk është as të zhvilloj futbollin turk, as kampionatin. Gjëja më e rëndësishme është Fenerbahçe.
Si përfundim, do të dëshiroja ta mbyllja me këto fjalë. Ëndrrat tuaja u bënë ëndrrat e mia kur firmosa”, u shpreh portugezi në stadiumin e mbushur nga tifozët.
José Mourinho went to the Fenerbahce stadium to introduce himself for 15 minutes and this is how the stadium looked.
Next season is going to be fun.pic.twitter.com/5f4QlWcQ8e
— IM🇵🇹 (@Iconic_Mourinho) June 2, 2024
