Janë zbardhur detaje të reja nga ngjarja e rëndë që tronditi Prishtinën mbasditen e sotme.
Mediat kosovare kanë publikuar një video ku tregohet mometi i rëndë kur autori ka qëlluar me breshëri plumbash mbi disa persona pas një konflikti me ta.
Dyshohet se sherri ka nisur për çështje pronësie, ndërsa si pasojë e breshërisë së plumbave një person ka ndërruar jetë, ndërsa tre të tjerë janë plagosur.
Lajmin e ka konfirmuar edhe zëdhënësi i QKUK-së, Shpend Fazliu.
“4 persona kanë ardhur në emergjencë. Përkundër kujdesit maksimal nga stafi mjekësor, një ka vdekë, nuk ka arritë me mbijetu. Tre të tjerët janë duke u ekzaminuar nga stafi mjekësor i Klinikës Emergjente”, ka thënë Fazliu për mediat kosovare.
