-U tha në Opinion

Video/ Momenti kur Lorenc Vangjeli i “zë vendin” Blendi Fevziut


               Publikuar në : 22:20 - 13/06/19 |
geliano fataj

Në emisionin Opinion ndodhi ajo që nuk kish ndodhur më parë. Analisti Lorenc Vangjeli ka “marrë drejtimin” e emisionit.

Vetë analisti Vangjeli u ngrit nga vendi ku ishte ulur, për të shpjeguar në mënyrën e tij krizën politike, ndërsa drejtuesi i emisionit Blendi Fevziu në vendin e tij.

“Edi Ramën nuk e rrëzon molotovi i Lulzim Bashës, apo çizmja e Monika Kryemadhit. E rrëzon i forti Gjuzi. Që të rrëzohet një gjë tragjike e rrëzon si fillim qesharakja” tha Vangjeli.

Pas shpjegoi krizën me anë të telefonit celular, Vangjeli i tha drejtuesit të emisionit: Nuk ta zë vendin njeri ty, se ti je institucion.

***  *** ***

Blendi Fevziu: Të ulem unë tani? Do e drejtosh ti?

Lorenc Vangjeli: Jo jo, qëndro.

Blendi Fevziu: Ika unë Lorenc, fol ti aty, ja erdha unë këtu. E mori Lorenci drejtimin tani. Po…

Lorenc Vangjeli: Ky është një celular që peshon 60 gramë.

Blendi Fevziu: Të çoj edhe Bejtjen unë tani të flasë.

Lorenc Vangjeli: Të vijë edhe Bejtja. Nëse këtë celular e mban në këtë pozicion, do ta mbash 1 minutë.

Blendi Fevziu: Zoti Gjuzi e kishte 7000 dollarë atë.

Lorenc Vangjeli: Po mos më fol tani, po të flas seriozisht. Edi Ramën, nuk e rrëzon molotovi i Lulzim Bahsës, apo cizma e Monika Kryemadhit. E rrëzon Gjuzi duke e bërë qesharak në parlament. Kishte kuptim kur ndeshej me Sali Berishën. Hajde tani të bëjë debat me këta që janë. Është qesharake çdo gjë. Që të rrëzohet një gjë tragjike bëhet në fillim qesharake…Ky celular peshon 50-60 gramë. Mbaje në këtë formë. Nuk endjen peshën e tij. Pas dy minutash fillon e ndjen. Pas çerek ore të bëhet plumb. Pas gjysmë ore të mpihet krahu.

Blendi Fevziu: Varet edhe nga mesazhet që merr. Lorenc unë s’ta lë vendin një herë që ta dish, shko ulu.

Lorenc Vangjeli: Nuk e zë vendin tënd unë se vendi yt është i pazëvendësueshëm.

Blendi Fevziu: Shko ulu tani.

Lorenc Vangjeli: Ti je institucion.

Blendi Fevziu: Të paska kap frymëzimi me Ramën sot.

Lorenc Vangjeli: Çfarë ndodh? Ulet dora, hiqet celulari. Që do të thotë, pa folur për emra. Për tipologji. Ne jemi marrë me krizat duke tentuar t’i zgjidhim ato pjesë-pjesë dhe duke u marrë me pasojën dhe jo me shkakun. Shkaku i kësaj krize është politik. Është politikani shqiptar. pa u marr me emra, ky politikan është i përhershëm, është i paparashikueshëm, është i pandëshkueshëm. Ktheji këto mbiemra në të kundërt, bëje të përkohshëm, të parashikueshëm dhe të ndëshkueshëm atëherë Shqipëria do të jetë ndryshe. Do të kemi kuruar shkakun dhe jo pasojën./ Opinion.al

Pas