Ministri i Drejtësisë, Ylli Manjani ka folur për lirimin me kusht nga Gjykata e Apelit të Durrësit për ish-kreun e bandës së Durrësit, Lulzim Berisha. Manjani u shpreh se lirimi me kusht është ligjor. Deklarata e tij është e kundërt me atë të ambasadorit amerikan Donald Lu i cili tha se “duhet të indinjohemi për gjyqtarët e korruptuar”. Deklarata e ambasadorit për lirimin e Lul Berishës
Më poshtë deklarata e plotë e Manjanit në emisionin “Tonight Ilva Tare”
Nëse ka qenë në kushtet e lirimit me kusht, kjo është ligjore. Kjo niset nga sensibilitetet e publikut. Kush hyn në burg, edhe duhet të dalë nga burgu një ditë. Nuk jam unë përgjegjësi, ose nuk kam kompleks që të trajtoj raste të veçanta. Nuk është falur, është ende i dënuar por me kusht. A e ka merituar apo jo, a është me korrupsion apo jo, kjo është çështje konkrete. Gjykatat kanë këtë mision, e bëjnë mirë apo keq..?! Kush ka ankesë për gjykatën unë jam gati ta bëj një inspektim. Unë nga media e kam marrë vesh që është liruar Lulzim Berisha, nuk di ca ndodhi pastaj….
