Milani nuk ka të ndalur, ndërsa sonte ka fituar pastër 3-0 me Empolin, në sfidën e vlefshme për javën e 25-të të Serisë A.
Kjo është fitorja e 3-të radhazi për skuadrën e Gatuzos që tashmë e shikon veten në vendin e 4-t me 45 pikë, duke synuar zonën Champions League.
Edhe sonte ai që ka shënuar ka qenë i përhershmi Piontek që në minutën e 49-të hapi serinë e golave, ndërsa vetëm 2 minuta më vonë Kesi mendoi për të të dyfishuar rezultatin.
Për të mbylluar ndeshjen ka menduar Kastijeo në minutën e 67-të, duke mos i lënë asnjë mundësi Empolit.
Në këtë ndeshje luajti nga minuta e parë edhe mbrojtësi i Kombëtares, Frederik Veseli, që doli kokëulur nga “San Siro”./ Dl/ Opinion.al
