Vetëm dy ditë më parë, Radio BBC ka transmetuar një reportazh mbi gjendjen alarmante të mbjelljes së kanabisit në Shqipëri.
Reportazhi tregon se si tashmë, bima e ndaluar apo ari i gjelbër sikurse e cilëson gazetari po kultivohet masivisht në të gjithë Shqipërinë.
“Shqipëria është kthyer në prodhuesen më të madhe të kanabisit në Evropë. Bima përshkruhet si “ari i gjelbër” për kultivuesit e varfër. Në një vend të varfër si Shqipëria, kanabisi është një industri multimiliardere”, thotë reportazhi duke sjell si dëshmi historinë e një djali të ri, jo më shumë se 20-vjec që shhtëpinë e tij në një fshat të vogël në veri të Tiranës, e ka kthyer në një bazë të prodhimit të kanabisit.
Në intervistën që djali i ri ka dhënë për gazetaren e BBC-së, tregon se ai ka arritur të prodhojë 350 kg kanabis gjatë gjithë vitit dhe ka punësuar 15 persona në procesimin dhe ruajtjen e tij.
“I paguaj policisë 20%. Të gjithë duhet të paguajnë. Nëse nuk i paguajmë ata na fusin në burg”, rrëfen djali i intervistuar nga BBC.
“Nëse krahasoni shifrat për vitin 2015 dhe 2016, zbulohet një rritje 5-fish në zonën e kultivuar me kanabis” raporton gazetarja Linda Pressly.
Por a është kanabisi një e vërtetë e panjohur për shqiptarët? Reportazhi i BBC nuk është i pari dhe as i fundit në ato që mediat e huaja raportojnë për këtë realitet.
Opinion.al, sjell sot nje perballje te thjeshte te fakteve.
Në një intervistë në fund të muajit shtator me Kryeministrin Edi Rama në studion e emisionit “Opinion”, gazetari Blendi Fevziu e ka pyetur kreun e qeverisë për situatën e kanabisit.
Përgjigja e Kryeministri ka qenë gati -gati akuzuese, teksa fliste për shifra të larta të shkatërrimit, më shumë se asnjë vend tjetër, pa kuptuar se shkatërrohet aty ku fenomeni ekziston.
A nuk i di Rama të vërtetat që mediat e huaja po na i zbulojnë cdo ditë?
Në intervistën më poshtë, gazetari Blendi Fevziu paralajmëron për të të tjera media të huaja, që pritet të raportojnë mbi situatën.
Por dëgjoni përgjigjen e Ramës, përballë këtij fakti:
