Një video tronditëse po qarkullon në internet ku shihen talebanët që fluturojnë me një helikopter amerikan “Black Hawk”, në të cilin është varur një njeri.
Sipas mediave ndërkombëtare, ende nuk është e qartë nëse njeriu i varur është gjallë apo jo. Megjithatë gazetarët e cituar nga “Nypost” thonë se ai u vra nga talebanët dhe më pas u var në helikopterin që fluturoi mbi qytet duke shkaktuar frikë dhe terror te qytetarët.
“Tani për tani, helikopterët po fluturojnë mbi Kandahar dhe po inspektojnë qytetin, ndërsa në helikopterin “Black Hawk” një njeri është varur në litar” janë raportimet e medieve në Twitter.
“Talebanët varën një njeri, i cili thuhet se ishte një përkthyes i amerikanëve, nga një helikopter amerikan “Black Hawk”. Helikopterët e mbetur në Afganistan do të përdoren në këtë mënyrë tani e tutje” shkroi një reporter i televizionit indian.
