Rruga që përshkon zonën turistike të Shëngjinit po rikonstruktohet e gjitha. Investimi që po kryhet nga Fondi Shqiptar i Zhvillimit parashikohet të lehtësojë lëvizjen e turistëve gjatë sezonit veror. Ky aks ka qenë problem i madh për pushuesit e shumtë që mbeten në trafik për orë të tëra gjatë verës.
Segmenti i amortizuar i rrugës nga porti deri tek Lapidari që përshkon krejt zonën e banuar është asfaltuar dhe rehabilituar i gjithi, por kjo është vetëm faza e parë. Projekti i plotë parashikonte krahas aslfaltimit edhe vendosjen e ndriçuesve dhe rikonstruksionin e trotuareve. Për Bashkinë e Lezhës mbetet e rendësishme zbatimi i plotë i projektit.
Nënkryetarja e bashkisë, Alfrida Marku, thotë se do të kërkojnë financimin edhe të fazës së dytë të projektit.
“Ky investim (rruga e Shengjinit) së bashku me rrugën e Torovicës janë dy projektet më të rëndësishme infrastrukturorë që ka projektuar dhe janë kërkuar nga Bashkia e Lezhës dhe që me kërkesen tonë të përsëritur kjo po po financohet nga Fondi Shqiptar i Zhvillimit dhe se përfundimi i saj do të jap impakt pozitiv në lëvizjen e pushuesve dhe turistëve por edhe përmirsimin e kushteve për banorët që e këtij qyteti”, tha ajo.
Brenda javës që vjen do të nisë edhe rikonstruksioni i rrugës hyrëse drejt qendrës së Shengjinit, investim që mendohet se do të lehtësojë levizjen drejt kësaj zone turistike.
