Këngëtarja Mariza Ikonomi një ditë para performancës së saj te “Kënga Magjike” ka rrëfyer detaje nga jeta e saj në intervistën me gazetarin Kelvi Kadilli.
Ajo ka folur për muzikën e saj duke thënë se ja ka kushtuar gjithë jetën muzikës dhe për këtë arsye është e vështirë të bëj kompromise për disa klikime më shumë, shkruan opinion.al.
“Nuk merrem farë me youtube, media.”- është shprehur ajo. – “Më duhet një menaxher që të merret me këto se unë s’kam lidhje.”
Përveç të tjerash Mariza ka folur për herë të parë për “dështimin” e saj në dashuri. Bëhet fjalë për një lidhje të gjatë gati pesë vjeçare që ka përfunduar për shkak të “kokëfortësisë” së saj.
“Unë jam kokëderre, mu duk sikur më bëri diçka të madhe. Më la, pastaj erdhi pas tre ditës, por unë nuk e fala dhe kështu përfundoi”- ka treguar këngëtarja.
Kjo ishte një lidhje që sipas saj kishte kohë që kishte përfunduar. Edhe pse u lënduar prej fundit të saj Ikonomi ka thënë se për momentin nuk është dhe aq beqare.
“Nuk jam dhe aq single, por as në një lidhje si ajo që tregova më parë, nuk jam.”- përfundoi ajo.
Mariza Ikonomi do të performojë këngën “E vetmja jam” natën e parë gjysmë finale./ përgatiti opinion.al
