Mbyllet pa gola, me pak raste për shënim, por me një lojë cilësore nga të dyja ekipet, sfida mes Manchester City dhe Real Madrid në “Etihad Stadium”, përballja e parë për gjysmëfinalet e Champions League. Sfida nisi me lajmin se Cristiano Ronaldo nuk do të luante ndaj Manchester City dhe u mbyll me dy pritje vendimtare të Joe Hart, portieri që shmangu humbjen për ekipin e drejtuar nga Manuel Pellegrini.
Cristiano Ronaldo nuk kaloi testet mjekësore dhe nuk ishte as në stol. “CR7” ka pësuar një tërheqje muskulore dhe riaftësimi në kohë rekord nuk funksionoi. Në vend të tij, u aktivizua Lucas Vazaque së bashku me Bale dhe Benzema. Herën e fundit që Real luajti pa Ronaldo në Champions League, u mposht 2-0 nga Borussia Dortmund në sezonin 2013/14. Në fundin e pjesës së parë edhe City, që luante pa Yaya Toure, humbi një nga titullarët, pasi u dëmtua David Silva.
Ekuilibri në lojë vazhdoi deri në minutën e 70-të dhe më pas Real Madrid u duk më superior duke krijuar të paktën tre raste për shënim. Në njëjtin prej tyre traversa ndali goditjen me kokë të Jese Rodrgiguez, i aktivizuar në pjesën e dytë, ndërsa në dy situata të tjera portieri i Manchester City, Joe Hart bëri një punë të shkëlqyer duke ndalur tentativat e Casemiro dhe Bale nga një pozicion i afërt me portën.
[fbvideo link=”https://www.facebook.com/officialfootballgoals/videos/813071685463458/” width=”500″ height=”400″ onlyvideo=”1″]
