Lara Colturi, skiatorja italiane që përfaqëson Shqipërinë, ka regjistruar rezultatin e saj më të mirë në garat e Kupës së Botës.
17-vjeçarja u klasifikua në vendin e 9-të, në garën e sllallomit zhvilluar në pistën e Flachau, në Austri.
Lara vendosi kohën më të mirë në zbritjen e dytë, 23 të qindtat më e shpejtë se Mikaela Shiffrin që fitoi garën.
“Jam shumë e lumtur për këtë garë. Më në fund arritja të bëj atë që kam dhënë në stërvitje. Në zbritjen e parë u nisa e 60 në radhë pista ishte jo në gjendje të mirë, por u kualifikova në të dytën ku dhamë maksimumin dhe realizova atë kohë”.
Ndalesa e radhës për Lara Colturi do të jetë fundjavën e ardhshme në Jasna të Sllovakisë. Ajo merr pjesë në garat e Kupës së Botës prej Nëntorit të 2022./Opinion.al
