Plot 900 kg kanabis sativa u kapën mbrëmjen e djeshme në Zvernec. Lënda narkotike po transportohej me gomone drejt Italisë. Policia tha se janë arrestuar 6 persona, kanë bllokuar dy makina dhe mjeti lundrues.
Pas një operacioni 1 mujor, policia e Vlorës arriti të kapë lëndën narkotike dhe të vërë në pranga personat e mëposhtëm:
1- Eduart Grabova, 39 vjeç, banues në fshatin Babicë e Madhe.
2- Redjan Hasanaj, 28 vjeç, banues në Vlorë.
3- Napolon Arshiaj, 27 vjeç, banues në fshatin Lepenicë.
4- Ilir Qejvani, 24 vjeç, banues në Vlorë.
5- Jani Bajramaj, 24 vjeç, banues në fshatin Lukovë.
6- Eduart Abazi, 49 vjeç, banues në Vlorë.
Grabova, Arshiaj, Hasanaj dhe Qejvani, u arrestuan në momentin kur tentuan të ngarkonin lëndën narkotike në gomone, në vendin e quajtur “Hunda e plakut”. Deri aty droga ishte transportuar me dy automjete Benz me targë AA 252 DK dhe Toyota me targë AA 354 MK.
Gomonia u largua sapo pa ndërhyrjen e forcave të policisë nga toka, por u bllokua nga Policia Kufitare dhe Guardia di Finanza pak minuta më vonë në Gjirin e Portonovës.
Mjeti lundrues, ka përmasat prej rreth 6 m gjatësi, 2.4 m gjerësi dhe me 1 motor 75 Ç.
Policia arrestoi drejtuesin e gomones dhe ndihmësin e tij (Bajramaj dhe Abazi), të cilët tentuan të largoheshin në pyllin e fshatit Pish Poro. /Opinion.al
