Të gjithë e kemi provuar mërzinë e të qenit të bllokuar në një aeroplan, në fund të udhëtimit, por megjithatë jemi të detyruar të presim deri sa zgjidhet ndonjë problem teknik.
Ndonëse shumica e njerëzve nuk e mendojnë të hapin dyert e avionit, një pasagjere në Ukrainë me sa duket vendosi se veprimi më i mirë ishte hapja e daljes së urgjencës dhe shëtitja në krahun e avionit.
Një video e shpërndarë në rrjet tregon gruan, e veshur me një bluzë të bardhë dhe pantallona rozë, e dulur në krahun e avionit duke lënë të shtangur punonjësit në Aeroportin Ndërkombëtar Boryspil në Kiev.
Pasagjerja po udhëtonte me një fluturim të “Ukraine International Airlines” nga Antalia, Turqi për në kryeqytetin e Ukrainës me burrin dhe fëmijët e saj. Thuhet se ajo u dëgjua duke thënë se ajo kishte “shumë e vapë” dhe duhej të qetësohej.
Ecja e saj e paautorizuar në krahun e Boeing 737 ka bërë që pasagjeres t’i ndalohet fluturimi me “Ukraine International Airlines” për të ardhmen.
Sipas një deklarate nga linja ajrore, siguria e aeroportit dhe policia morën pjesë në skenë, së bashku me mjekët, të cilët përcaktuan se gruaja “nuk ishte nën ndikimin e alkoolit dhe / ose ilaçeve”.
Linja ajrore e Ukrainës vazhdoi të kritikojë pasagjerin për vendosjen e një “shembulli prindëror” joadekuat, duke theksuar se ajo mund t’i nënshtrohet “një ndëshkimi jashtëzakonisht të lartë financiar në formën e një gjobe”./ Opinion.al
View this post on Instagram
