Në Tiranë po protestohet për të liruar kuksianët e arrestuar për protestën e Rrugës së Kombit. Nga drejtoria e Policisë së Tiranës lëshohen thirrje kundër qeevrisë, pasi arrestimet konsiderohen politike. Po ashtu ata thonë se nuk terhiqen nga kerkesa për heqjen e taksës së rrugës.
Sakaq një tjetër protestë po zhvillohet aktualisht në Kavajë, në zonën e plazhit të Spillesë. Televizioni TCH publikon pamjet e kësaj proteste. Janë rreth 40 subjekte që operojnë në plazhin e Spillesë që protestojnë kundër prishjes së objekteve të tyre të shërbimit në një nga plazhet me të bukura të Adriatikut.
Subjektet kanë kontarata qiraje me Bashkinë e Rrogozhinës, për shfrytëzimin e hapësirës së plazhit për periudha 3+1 vjeçare, me të drejtë rinovimi.
Përfaqësues të IKMT-së i kanë njoftuar verbalisht për prishjen e objekteve pas nisjes së procedimit penal për kryetarin e bashkisë Beqir Nuredini për shpërdorim detyre.
Protestuesit kërkojnë mbrojtjen e bizneseve të tyre nga shteti në prag të sezonit turistik, gjë që do të shmangte pasojat për familjet e tyre, të punësuarit, komunitetin e zonës dhe turistët. Në të kundërt ata kërkojnë të dëmshpërblehen për prishjet e lokalave apo dyqane që funksionojnë vetëm për periudhën e plazhit.
