Nga filmimet e kamerave të sigurisë mund të shquhen disa detaje nga vjedhja e djeshme para hotel Sheraton. Në pamjet që publikon News 24 dhe që janë marrë nga kamerat e bashkisë në rrugë shihen dy persona që marrin çantën dhe ikin me vrap.
Canta i është marrë nga dora arkëtarit Sajmir Hasani dhe më pas autorët janë larguar me “Skuter”, që e kishin lënë pak më larg. Kamera ka fiksuar vetëm dinamikën e grabitjes por nga pamjet, është i pamundur identifikimi i 2 autoreve, të cilët janë larg dhe fytyrat e tyre nuk janë filmuar.
Duket vetem se jane veshur me xhinse blu dhe me xhupa te zinj. Vjedhja ndodhi dje pasdite dhe dyshohet se punonjësve të këmbimit valutor u kanë marrë 180 mijë euro.
