Fitorja me rezultatin 0-3 në transfertë përballë Shqipërisë ishte padyshim një rezultat i madh për kombëtaren izraelite. Dhe një fitore e tillë nuk mund të kalohej pa u festuar nga futbollistët. Menjëherë pas ndeshjes, në dhomat e zhveshjes në “Elbasan Arena”, izraelitët shpërthyen në festë.
Faqja zyrtare në Facebook e kombëtares së Izraelit ka postuar një video nga festa e lojtarëve duke shkruar: “Festa në dhomat e zhveshjes pas një ndeshjeje të madhe”.
Duke menduar që para ndeshjes trajneri i kundërshtarëve, Elisha Levi, u shpreh se do ishte mëse i kënaqur me një barazim në Shqipëri, festa për fitoren 0-3 është mëse legjitime.
