Rreth orës 4:30 të mëngjesit të sotëm policia shpërndau aktivistët e mbrojtjes së godinës së Teatrit Kombëtar për ti hapur kështu rrugën fadromave për prishjen e saj.
Shembja nisi menjëherë sapo njerëzit u larguan nga sheshi i teatrit ndërsa zona u rrethua me një perimetër shumë të gjerë policie.
Godina e parë e cila u shemb është ajo e Teatrit Kombëtar dhe më pas nisi shembja e Teatrit Eksperimental, “Kujtim Spahivogli” i cili ishte pjesë e të njejtit kompleks.
Pamjet tregojnë mjetet e rënda të fadromave të cilat shembin godinën dhe në të njejtën kohë hidhet ujë për të mos ngritur pluhur. /Opinion.al
