Fitorja e Euro 2020 nga Kombëtarja italiane ka bërë që populli italian të shpërthejë në festë.
Pas pritjes madhështore që u bënë “Azurëve” në aeroport kombëtarja e Italisë është nderuar edhe nga institucionet dhe figurat më të larta të shtetit.
Fillimisht ata u pritën nga presidenti Mattarella, ndërsa më pas takuan kryeministrin Mario Draghi.
Në fund futbollistët italianë bënë një gjiro mbi një autobus të hapur në rrugët e Romës ku me mijëra tifozë i shoqëruan duke festuar të gjithë së bashku për këtë sukses historik.I gjithë stafi, duke përfshirë edhe stafin drejtues të kombëtares, u shprehën se ky titull është shpërblim për tifozët që kishin pritur kaq gjatë.
Ndërkohë heroi i kombëtares italiane, portieri Donaruma që u shpall edhe lojtari më i mirë i Europianit, ka shpjeguar momentin e ngrirjes kur priti penalltinë e Sakas-s dhe ‘axurrët’ u shpallën kampion Europe. 22-vjeçari u shpreh se në ato momente nuk e kishte kuptuar që loja kishte mbaruar, ndërsa është ç’tensionuar kur shokët e skuadrës filluan festën./Opinion.al
