Një incident mes dy aktorëve të njohur hollivudianë, Will Smith dhe komedianit Chris Rock, ka marrë vëmendjen në ceremoninë e shpërndarjes së çmimeve OSCAR mbrëmjen e së dielës.
Will Smith goditi me shuplakë Chris Rock-ut në fytyrë në skenën e Oscar, pasi komediani bëri një shaka për modelin e flokëve të gruas së Smith, Jada Pinkett Smith.
Ai tha se flokët e rruara të Jada-s janë të denja për “G.I Jane 2” duke iu referuar filmit ku Demi Moore rruan kokën.
“Jada, mezi pres për GI Jane 2,” tha ai, duke iu referuar modelit të saj të flokëve.
Jada ka treguar se vuan nga alopecia, sëmundje e rënies së flokëve. Kjo është edhe arsye pse ajo ka prerë flokët.
Smith doli në skenë dhe goditi Rockun me shpullë dhe më pas nisi të bërtiste nga vendi: “Mos e përmend emrin e gruas time”.
Më vonë ai kërkoi falje në skenë.”Dua t’i kërkoj falje Akademisë. Dua t’u kërkoj falje të gjithë kolegëve të mi të nominuar,” tha ai gjatë një fjalimi ku u shfaq i përlotur pasi firoi çmimin e aktorit më të mirë.
Will Smith fitoi çmimin OSCAR për herë të parë në karrierën e tij për interpretimin në filmin King Richard, ku ai lunte rolin e babait të legjendave të tenisit Venus dhe Serena Williams./Opinion.al
