Lulzim Basha është ngjitur sërish në foltoren e Kuvendit pas fjalës së Kryeministrit Rama. Toneve të larta të kreut të qeverisë, Basha u është përgjigjur gjithashtu me të njëjtat nota.
Pas akuzave për varfërimin ekonomik të shqiptarëve, shtimin e familjeve në mjerim ekonomik apo largimin e shqiptarëve nga vendi, Basha foli edhe për rrugët, për të cilat Rama u shpreh se PD nuk i kishte përfunduar.
“Ti i bie Shqipërisë kryq e tërthor në rrugët e PD-së dhe flet sikur ke ecur me gomar” u shpreh Basha, duke shtuar se në fakt as ai dhe as opozita nuk presin gjë prej Ramës.
Gjatë fjalës së Bashës , Kryeministri është parë nervoz e hera herës me një buzëqeshje ironike, ndonëse nuk ka ngurruar t’i kthejë përgjigje edhe nga vendi i tij.
“ Mos u bëj nervoz, dëgjo deri në fund dhe mbaj shënim t’i kesh për kujtimet e opozitës se këtu nuk pres prej gjë prej teje unë”, tha Basha.
