Trafiku në Paris ka arritur në nivele rekord vetëm disa orë para izolimit si pasojë e COVID-19. Me mijëra njerëz u larguan nga kryeqyteti duke shkaktuar një bllokim të jashtëzakonshëm.
Sipas BBC, shumë parisianë zgjodhën të largoheshin nga qyteti dhe shkuan në zona të tjera ku masat anti-COVID janë më pak të ashpra. Rezultati i largimeve masive ishte qindra kilometra bllokim nga trafiku, me makina të parkuara, dhe orë të gjata pritje.
Trafiku i shtuar u regjistrua dje në Paris dhe në qytete të tjera të mëdha franceze, të tilla si Lioni dhe Bordeaux.
Masat e bllokimit në Francë hynë në fuqi në mesnatën e së Premtes. Francezët janë urdhëruar të qëndrojnë në shtëpi, përveç rasteve kur kanë punë të rëndësishme ose për arsye mjekësore.
Vdekjet ditore nga Covid-19 në Francë janë në nivelin më të lartë që nga prilli./ Opinion.al
