Ministri i Transporteve Damiam Gjiknuri ka dalë sot përpara mediave për të sqaruar opinionin publik mbi kontratën e koncensioanrit për Rrugën e Kombit, gjë që nuk e kishte bërë derisa shpërtheu protesta. Ai vete e pranoi se “muajt e fundit ne duhet të riinformonim publikun sepse ka keqkuptime”.
Po kështu ai komentoi ngjarjen e fundit, protestën e banorëve të Kukësit që dogjën kabinat e faturimit dhe ajo çka pasoi protesta për lirimin e të arrestuarve që po zhvillohet në Tiranë. Ai tha se “dhuna barbare u nxit nga flakëhedhësit e Tiranës dhe se protestuesit tashmë të arrestuar janë përdorur politikisht”.
Sipas tij, kjo nuk është taksë që po u vendos qeveria “Rama” kuksianëve, por një tarifë e domosdoshme për të mos lejuar degradimin e rrugës.
Më tej tha se po bëhet vlerësimi paraprak, por nga të dhënat e para dëmi nga djegia shkon disa miliona euro. Dëmi nuk iu bë një privati, por taksapaguesve shqiptarë.
Më tej, Gjiknuri theksoi se koncesioni nuk është ndonjë gjë e re, pasi është dhënë që në vitin 2016. “Mirëmbajtja dhe kostot që e shoqërojnë një koncept i panjohur në Shqipëri. Përdorimi i tarifës është parashikuar që në kohën e qeverisë “Berisha”. Tarifa ka qenë e miratuar me kohë, ne duhet ta rikonfirmonim. Mirëmbajtja kërkon 1.5 milionë euro për km”, tha ministri Gjiknuri.
*bashkebisedimi i Gjiknurit me gazetaret po vazhdon…
