Fakulteti i Gjeologjisë dhe i Minierave ndodhet në gjendje alarmante pas tërmetit të së shtunës dhe shirave të dendur të orëve të fundit, duke u kthyer në rrezik për personat që ndodhen aty për të parë dëmet, apo qoftë edhe për të raportuar.
Ky ishte dhe rasti i gazetares së Report Tv, e cila teksa ishte duke raportuar në lidhje direkte për gjendjen e godinës, vetëm disa centimetra më tej një pjesë e tavanit të katit të parë është shkëputur.
Fatmirësisht në atë çast as gazetarja dhe as persona të tjerë nuk ndodheshin në atë pjesë të godinës duke mos u lënduar. ‘O Zot, Zot i madh….kjo ishte e tmerrshme, po të isha unë aty?!,”-u shpreh gazetarja pas atij çasti./Opinion.al/
